Rabio Leau allaqachon kuchini ko‘rsatganini aytdi

Fransiyalik yarim himoyachi Adrien Rabio Massimiliano Allegri qo‘l ostida portugaliyalik hujumchi Rafael Leau yanada yaxshilanib, ijobiy tomonga o‘zgarayotganini ta’kidladi. «Leauda katta salohiyat bor, u ko‘p bor o‘z kuchini ko‘rsatgan.

Hozir men uning Allegri rahbarligida qanday takomillashayotganini ko‘ryapman. Barchamiz tushunamiz — u yana o‘sishda davom etishi kerak.

U o‘z oldiga aniq maqsad qo‘yib, shu yo‘lda ishlashi lozim», — deya Rabioning so‘zlarini pianetamilan.it keltiradi. Eslatib o‘tamiz, Leau 2019 yildan beri «Milan» safida to‘p suradi.

U klub bilan 2022 yilda chempionlikni qo‘lga kiritgan. Hozir jamoa A Seriyada ikkinchi o‘rinda bormoqda.