"PSJ" futbolchisi Dembele Fransiyada yil sportchisi deb topildi

Fransiyada 2025 yil yakunlariga ko‘ra mamlakatning eng yaxshi sportchisi aniqlandi. Lequipe jurnalistlari xabariga ko‘ra, ovoz berishda birinchi o‘rinni \"PSJ\" hujumkor yarim himoyachisi Usmon Dembele egalladi.

Parij klubining yana bir futbolchisi, vinger Dezire Due ham eng yaxshi o‘nta fransuz sportchisi qatoridan joy oldi. Qizig‘i shundaki, Fransiya terma jamoasi va Madridning \"Real\" klubi yulduzi Kilian Mbappe eng yaxshi o‘nlikka kirmadi.

2025 yilda Dembele \"Oltin to‘p\" sohibi bo‘ldi. U \"PSJ\" bilan birga Fransiya chempionati va UEFA Chempionlar Ligasi g‘olibligini qo‘lga kiritdi.