Lamin Yamal 2025 yilda 20+20 marrasini oshgan kam sonlilardan

“Barselona”ning 18 yoshli hujumchisi Lamin Yamal 2025 yil davomida ajoyib natijadorlik ko‘rsatdi. Bu haqda euro-football.ru xabar beradi.

“Ko‘k-anorranglilar” vingeri yil yakunlanib borayotgan pallada barcha turnirlarni qo‘shib hisoblaganda 21 ta gol urdi va 21 ta golli uzatma berdi. Opta ma’lumotiga ko‘ra, u Yevropaning top-5 ligalarida 2025 yilda 20+20 ko‘rsatkichiga yetgan atigi ikkinchi futbolchi bo‘ldi. Bu ro‘yxatda undan oldin “Bavariya” safidagi fransuz Maykl Olise bor: uning hisobida 21 gol va 24 assist.

Shuningdek, Yamal “Oltin to‘p” — 2025 ovoz berishida Usmon Dembeledan keyin ikkinchi o‘rinni egalladi. Maykl Olise esa 30 nafar nomzod orasida eng oxirgi pog‘onadan joy oldi.