Pirs Morgan Dyo'kereshdan ko'proq gol kutmoqda

Mashhur jurnalist va teleboshlovchi Pirs Morgan Londonning “Arsenal” klubi safidagi shved hujumchisi Viktor Dyo'kereshning o'yinlarini baholadi. Bu haqda euro-football.ru xabar beradi.

Morgan fikricha, jamoa hujumchilari, ayniqsa Dyo'keresh, vaziyatlardan unumliroq foydalanishi kerak. U futbolchini yoqtirishini va mehnatini qadrlashini aytib, 63,5 million funtga xarid qilingan hujumchidan ko'proq gollar kutilishini ta’kidladi.

Dyo'keresh “kanonirlar” safiga bu yozda Lissabonning “Sporting” klubidan kelib qo'shilgan. U “Arsenal” libosida barcha musobaqalarda 20 o'yinda 7 ta gol urishga muvaffaq bo'ldi.

Angliya chempionatining 18-turidan so'ng Mikel Arteta boshchiligidagi jamoa 42 ochko bilan turnir jadvalida peshqadam bo'lib turibdi.