Bavariya Upamekano bitimini choʻzilishini saqichga qiyosladi
Myunxenning «Bavariya» klubi bosh ijrochi direktori Yan-Kristian Drezен fransuz himoyachisi Dayo Upamekano bilan shartnomani uzaytirish jarayoni choʻzilib ketayotganini noodatiy tarzda izohladi. Bu haqda euro-football.ru xabar beradi.
Klub rahbarining aytishicha, futbolchi yangi kelishuvga qoʻl qoʻyishni ortga surayotgani saqich chaynashni eslatadi.
«Saqichni uzoq chaynasangiz, oxiri taʼmi yoʻqoladi. Shuning uchun bu ishni ham saqichdek choʻzmaslik kerak», — deya Drezенning soʻzlarini T-online keltirdi.
Uning qoʻshimcha qilishicha, Upamekano klub taklifidan anchadan beri xabardor, biroq «Bavariya» cheksiz kutib oʻtira olmaydi.
Himoyachining amaldagi shartnomasi 2026 yil 30 iyungacha moʻljallangan. 2025/2026 yilgi mavsumda fransuz futbolchi 21 uchrashuvda maydonga tushib, 1 gol urdi.
