Fletcher Amorim ketgach MYU futbolchilari bilan gaplashdi

"Manchester Yunayted"ning vaqtinchalik bosh murabbiyi Darren Fletcher Ruben Amorim ishdan olinganidan keyin jamoa futbolchilari bilan bo‘lgan suhbat tafsilotlarini aytib berdi. Bu haqda euro-football.ru xabar beradi.

Portugaliyalik mutaxassisning iste’fosi dushanba kuni rasman e’lon qilindi. 41 yoshli shotlandiyalik Fletcher jamoani navbatdagi o‘yinda — chorshanba kuni bo‘lib o‘tadigan "Byornli"ga qarshi bahsda boshqaradi.

Fletcherning ta’kidlashicha, u avvalo sardor Bruno Fernandesh bilan alohida gaplashgan. Shuningdek, u yaqindan tanish bo‘lmagan futbolchilarga ham e’tibor qaratgan — jumladan, Benyamin Sheshko va Mateus Kunha bilan muloqot qilgan.

"Byornli" — "Manchester Yunayted" uchrashuvi 01:15 da (Toshkent vaqti bilan) boshlanadi.