Argentinaning Kilmes klubi stadionni yangilashda muxlislardan yordam so‘radi

«Kilmes» Argentinadagi eng qadimiy klublardan biri hisoblanadi: jamoa 1887 yilda tashkil etilgan va yillar davomida katta muxlislar armiyasini to‘plagan. Biroq hozir klub og‘ir davrni boshdan kechirmoqda va aynan shu paytda ishqibozlar ko‘magiga muhtoj. Bu haqda euro-football.ru xabar beradi.

Klub rahbariyati stadionni qayta qurish rejasini e’lon qildi, ammo odatdagidek mablag‘ yig‘ish yo‘lini tanlamadi. Muxlislarga pul o‘tkazish emas, balki stadionga kelib, belgilangan vazifalarni bajarish orqali bevosita jismoniy mehnat bilan yordam berish taklif qilindi.

Janubiy yarimsharda yozning jazirama issig‘iga qaramay, «Kilmes» muxlislari chaqiriqqa faol javob berdi va stadionni yangilash ishlarida ishtirok etishga tayyorligini bildirdi.