Slutskiy jamoasi Osiyo Chempionlar Ligasida yana yutqazdi

Leonid Slutskiy boshqaruvidagi \"Shanxay Shenxua\" Osiyo Chempionlar Ligasida navbatdagi uchrashuvni ham ochkolsiz yakunladi. Xitoy klubi umumiy bosqichning 6-turida safarda \"Sanfrecce Xirosima\"ga 0:1 hisobida imkoniyatni boy berdi. Bu haqda euro-football.ru xabar beradi.

Bahs taqdirini 78-daqiqada mezbonlar hal qildi: himoyachi Hayato Araki aniq zarba bilan hisobni ochdi. Bu mag\'lubiyat \"Shanxay Shenxua\" uchun turnirdagi ketma-ket uchinchi omadsiz natija bo\'ldi.

Olti turdan keyin Slutskiy jamoasi hisobida 4 ochko bor va u turnir jadvalida 11-o\'rinda bormoqda. \"Xirosima\" esa 11 ochko bilan kuchli uchlikdan joy olgan.