Spalletti Yuventus hujumchisi Yildizni inoplanetalik deb atadi

"Yuventus" bosh murabbiyi Luchano Spalletti yana bir bor hujumchi Kenan Yildizning o'yinidan hayratda ekanini yashirmadi. Bu haqda euro-football.ru xabar beradi.

20 yoshli futbolchi A Seriyaning 22-turida "keksalar"ga "Napoli" ustidan yirik 3:0 hisobidagi g'alabani taqdim etishda muhim rol o'ynadi va uchrashuvda gol ham urdi.

Spallettining ta'kidlashicha, Yildiz oddiy ijrochilardan emas: "Yildiz — inoplanetalik, oddiy futbolchi emas. Ba'zan u ataylab nimanidir noto'g'ri qiladi, shunda odatiy insondek ko'rinadi", — dedi u DAZN bilan suhbatda.

Joriy mavsumda turkiyalik yosh yulduz chempionatdagi 21 o'yinda 8 ta gol va 4 ta assist qayd etgan.

Turnir jadvalida "Yuventus" 42 ochko bilan 5-o'rinda, "Napoli" esa 43 ochko bilan 4-pog'onada bormoqda.