Al-Hilol muxlislari Teo Ernandesning formasidan norozi bo'ldi

Fransuz himoyachisi Teo Ernandes «Milan»ni tark etib, Saudiya Arabistoniga yo'l oldi. Biroq u yangi jamoasi «Al-Hilol» safida kutilgan darajada porlay olmayapti va bu holat muxlislarning keskin noroziligiga sabab bo'ldi. Bu haqda euro-football.ru xabar beradi.

Yaqinda futbolchi navbatdagi mag'lubiyatdan so'ng ijtimoiy tarmoqlarda muxlislardan uzr so'rab, vaziyatni yumshatmoqchi bo'ldi. Ammo javob tariqasida u izohlarda o'z manziliga qattiq tanqidlarni eshitdi.

Muxlislar Teoning uzr so'rashlari zeriktirib yuborganini, u semirib qolganini va avvalgidek yugurmay qo'yganini yozishdi. Shuningdek, u maydonda faqat "raqamini o'tab yurgani" ko'rinib qolayotgani, buni hatto Saudiya chempionatida ham payqash mumkinligi ta'kidlandi.