Guberniyev Safonovning PSJ asosiy tarkibiga kirishini olqishladi

Rossiyalik sport sharhlovchisi Dmitriy Guberniyev darvozabon Matvey Safonovning PSJning “Marsel”ga qarshi o‘yinida start tarkibidan joy olganini yuqori baholadi. Uchrashuvning 70-daqiqasiga kelib, parijliklar 4:0 hisobida oldinda borayotgandi. Bu haqda euro-football.ru xabar beradi.

Guberniyev bu o‘yin Fransiyadagi eng prinsipial to‘qnashuv ekanini ta’kidlab, “Marsel” – PSJ raqobati hissiyot va keskinlik jihatidan hatto “Real” – “Barselona” bahsidan ham ustun kelishini yozdi.

Safonov mavsumning katta qismini zaxirada o‘tkazgan bo‘lsa-da, so‘nggi paytlarda maydonda tobora ko‘proq ko‘rinish bermoqda va asosiy tarkib uchun kurashda Lyuk Shevalyeni ortda qoldirdi. U o‘tkazgan 6 uchrashuvda 5 ta gol o‘tkazib yuborgan.