Edin Djeko Shalke safida dubl qayd etdi

Bosniyalik hujumchi Edin Djeko futbol mezonlari bo‘yicha ancha tajribali yoshiga qaramay, gol urish mahoratini yo‘qotmaganini yana bir bor isbotladi. Yangi jamoasi — «Shalke» safidagi debyut uchrashuvida hisobni ochgan forvard bu safar Drezdenning «Dinamo» darvozasiga ikki bor yo‘l topib, dubl muallifiga aylandi. Bu haqda euro-football.ru xabar beradi.

Ammo Djeko urgan gollar «Shalke»ga g‘alaba keltirmadi: mehmonlar o‘yinning so‘nggi 12 daqiqasida vaziyatni o‘zgartirib, hisobni tenglashtirishga erishdi. Natijada «Shalke» Germaniya ikkinchi divizioni turnir jadvalida peshqadamlikni «Darmshtadt»ga boy berdi. Keyingi turda esa jamoani «Holshteyn»ga qarshi uchrashuv kutib turibdi.