Al-Nasr bosh murabbiyi Ronalduga dam berilganini aytdi
«Al-Nasr» bosh murabbiyi Jorje Jezush Krishtianu Ronaldu nega yaqinlashib kelayotgan o‘yinda maydonga tushmasligini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi bahs olib boradi. Yulduzli portugaliyalik hujumchi boykotdan keyin tez orada qaytishi kutilayotgan edi, biroq bu uchrashuvda ham u tarkibda bo‘lmaydi.
«Jadval juda zich. Shuning uchun Ronalduni ham, asosiy tarkibdagi yana bir qator futbolchilarni ham dam oldirishga qaror qildik. Oldinda “Al-Fateh”ga qarshi muhim o‘yin bor», — dedi Jezush. Murabbiy so‘zlarini Al Nassr Zone keltirdi.
Jezushning ta’kidlashicha, Ronalduning dam olishi yangilik emas: u Saudiya Arabistonidan tashqarida o‘tadigan o‘yinlarda birinchi bor maydonga tushmayotgani yo‘q.
Saudiya chempionatidagi «Al-Fateh» — «Al-Nasr» uchrashuvi shanba, 14-fevral kuni bo‘lib o‘tadi.
