Borussiya ketma-ket 15 o'yinda gol urib, Bundesliga rekordini takrorladi

Germaniya chempionatining 23-tur uchrashuvlari boshlandi. Dortmundning «Borussiya» jamoasi «Maynts»ga qarshi bahsda ishonchli g'alabaga erishib, raqib darvozasiga javobsiz to'rtta gol urdi. Bu haqda euro-football.ru xabar beradi.

Bu natija «Borussiya» uchun yana bir muhim ko'rsatkichni ham anglatdi: jamoa Bundesligada ketma-ket 15-o'yinda ham gol urdi va shu tariqa musobaqa rekordini takrorladi.

Qizig'i, bu rekordlar ro'yxatida odatda tez-tez tilga olinadigan Myunxenning «Bavariya»si yo'q. Avvalroq Bundesligada 15 o'yin ketma-ket gol urish seriyasini «Gamburg» 1980 yilda qayd etgan, 2013 yilda esa Yurgen Klopp boshchiligidagi «Borussiya» ham ayni natijani takrorlagan edi.