Kurtua Trentning kuchi anchadan beri ko'rinib turardi
Madridning “Real” klubi darvozaboni Tibo Kurtua o‘ng qanot himoyachisi Trent Aleksander-Arnoldning maydondagi harakati haqida fikr bildirdi. Bu haqda euro-football.ru xabar beradi.
Angliyalik futbolchi La Liganing shanba kungi “Real Sosyedad”ga qarshi uchrashuvida (4:1) jamoa yetakchilaridan biri bo‘ldi. 27 yoshli himoyachi Gonzalo Garsiyaga gol uzatmasini berib, bahsdagi ilk to‘p muallifiga assist yozdirib qo‘ydi.
“Trentda juda yuqori saviya borligi allaqachon ma’lum edi. U biz uchun juda foydali. Bugun uzatmalari juda aniq chiqdi — birinchi gol epizodini eslang. Hamma sog‘lom bo‘lsa, jamoa ancha kuchli bo‘ladi, shunda futbolchilarni o‘z joyidan boshqa pozitsiyalarda o‘ynatishga hojat qolmaydi”, — dedi Kurtua o‘yindan keyingi intervyusida.
Aleksander-Arnold “qirollik klubi” safida dekabr boshidan beri ilk bor start tarkibida maydonga tushdi. “Liverpul”ning sobiq futbolchisi yaqinda jarohatdan so‘ng safga qaytgan edi.
