Bellingem faoliyatidagi eng og'ir armonini aytdi

Madriddagi «Real» yarim himoyachisi Jud Bellingem karerasida hanuz unutolmayotgan eng og'riqli omadsiz lahzasi haqida gapirdi. Bu haqda euro-football.ru xabar beradi.

Angliyalik futbolchi Dortmundning «Borussiya»si safida o'ynagan paytida Bundesligada chempionlik so'nggi turda qo'ldan chiqib ketganini esladi. «Maynts» ustidan g'alaba «asalarilar»ni chempion qilardi, biroq uchrashuv 2:2 hisobida yakunlanib, oltin medallar yana «Bavariya»ga nasib etdi.

«Hali ham ortimdan quvib yuradigan omadsizlikmi? «Borussiya» bilan mavsumning so'nggi kunida boy berilgan chempionlik. Eslatganingiz uchun rahmat», — Madrid Zone nashri futbolchining javobini keltirdi.

Bellingem 2023 yilning yozida, Germaniyadagi o'sha dramatik yakundan ko'p o'tmay, Dortmunddan «Real»ga ko'chib o'tgandi.