Kassano Milan uslubi 80-yillardek ko'rinishini aytdi

Italiya A Seriyasi sobiq hujumchisi Antonio Kassano "Milan"ni keskin tanqid qilishi bilan tanilgan. U yildan yilga "rossoneri"dagi muammolarni ochiq aytib keladi va bu safar ham yangi bosh murabbiy Massimiliano Allegri qurayotgan o'yindan ijobiy jihat topmadi. Bu haqda euro-football.ru xabar beradi.

Kassano fikricha, "Milan" joriy yil ichida atigi uchta uchrashuvda munosib futbol ko'rsatgan: "Bolonya"ga qarshi ikki bahs va "Udineze" bilan o'yin. Uning ta'kidlashicha, jamoada o'yin g'oyasi sezilmayapti, boshqa klublarda esa aniq uslub bor, "Milan" esa go'yo 80-yillar futbolida qolib ketgandek harakat qilmoqda.

Ayni paytda "Milan" A Seriyasi turnir jadvalida ikkinchi o'rinda bormoqda. Jamoa chorshanba kuni "Komo"ga qarshi maydonga tushadi.