Del Piyero Bastonining uzr so'rashiga munosabat bildirdi
Turinning «Yuventus» klubi sobiq futbolchisi Alessandro del Piyero «Inter» himoyachisi Alessandro Bastonining uzr so'rashi haqida fikr bildirdi. Bastoni jamoalar o'rtasidagi so'nggi o'yinda «keksa sinyora» futbolchisi Pyer Kalyulyuning maydondan chetlatilganidan keyin hissiyotlarga berilib, buni keskin tarzda nishonlagandi. Bu haqda euro-football.ru xabar beradi.
Del Piyeroning aytishicha, Bastonining bu qadami e'tirofga loyiq: u voqeadan so'ng vaziyatni xolis baholab, o'zini nohaq tutganini tan olgan. «Hech kim mukammal emas, ammo xatolardan to'g'ri xulosa chiqarsang, yanada yaxshiroq bo'lasan», — deya uning so'zlarini TuttoJuve keltiradi.
Eslatib o'tamiz, «Inter» — «Yuventus» uchrashuvi o'tgan hafta oxirida bo'lib o'tdi. Safardagi o'yinda «Yuventus» 2:3 hisobida mag'lub bo'ldi.
