Radimov Juventus himoyasidagi xatolarni keskin tanqid qildi

Rossiya terma jamoasining sobiq yarim himoyachisi, Zenitdagi faoliyati bilan tanilgan Vladislav Radimov Italiyaning Juventus jamoasi o'yini haqida fikr bildirdi. Turin klubi ketma-ket to'rtta uchrashuvda g'alaba qozona olmayapti va har safar kamida ikki tadan gol o'tkazib yubormoqda. Bu haqda euro-football.ru xabar beradi.

Radimovning ta'kidlashicha, himoyada juda sodda xatolar ko'p: futbolchilar o'z jarima maydonida to'p bilan ortiqcha ovora bo'lib, natijada kulgili gollar o'tkazib yuboryapti. Uningcha, jamoada hujum va himoya o'rtasidagi muvozanat yetishmayapti.

Hozirda Juventus A Seriyada 46 ochko bilan beshinchi o'rinda bormoqda. 21 fevral kuni kechqurun jamoa 26-tur doirasida jadvalda bir pog'ona pastdagi Komo bilan maydonga tushadi.