UEFA Chempionlar ligasi pley-offiga hakamlarni eʼlon qildi

UEFA Chempionlar ligasi pley-off bosqichining javob uchrashuvlari uchun hakamlar brigadalarini tasdiqladi. Tayinlovlar tashkilotning rasmiy saytida eʼlon qilindi. Bu haqda euro-football.ru xabar beradi.

Javob o‘yinlarida quyidagi hakamlar ishlaydi: «Atletiko» – «Bryugge» uchrashuvini fransuz Kleman Tyurpen boshqaradi. «Bayer» – «Olimpiakos» bahsida ingliz Maykl Oliver ishlaydi. «Inter» – «Bude-Glimt» o‘yiniga ispaniyalik Alehandro Ernandes Ernandes tayinlandi. «Nyukasl» – «Karabax» to‘qnashuvida italiyalik Davide Massa maydonga chiqadi. «Atalanta» – «Borussiya» Dortmund uchrashuvini ispaniyalik Xose Mariya Sanches boshqaradi. «PSJ» – «Monako» o‘yinida ruminiyalik Ishtvan Kovach ishlaydi. «Yuventus» – «Galatasaroy» bahsiga portugaliyalik Joau Pinheyru tayinlandi. «Real» Madrid – «Benfika» uchrashuvini esa sloveniyalik Slavko Vinchich boshqaradi.

Uchrashuvlar 24 va 25 fevral kunlari bo‘lib o‘tadi.