Al-Nasr Jorje Jezush bilan shartnomani uzaytirmoqchi

“Al-Nasr” bosh murabbiyi Jorje Jezush klubdagi kelajagini uzaytirishi mumkin. Saudiya Arabistonidan kelayotgan xabarlarga ko‘ra, klub rahbariyati portugaliyalik mutaxassisga 2027 yilning o‘rtalarigacha mo‘ljallangan yangi bitim taklif qilishga tayyor. Bu haqda euro-football.ru xabar beradi.

Jamoa rahbariyati murabbiyning ishidan mamnun va kelasi mavsumda ham u bilan hamkorlikni davom ettirishni istamoqda.

Avvalroq Jezushning taqdiri klubdagi vatandoshi Krishtianu Ronaldu qaroriga bog‘liq ekani aytilgandi: agar hujumchi yozda ketadigan bo‘lsa, murabbiy ham jamoani tark etishi mumkin edi. Biroq Ronaldu yaqinda “Al-Nasr”da qolish niyatini bildirgan.

Jorje Jezush “Al-Nasr”ni o‘tgan yil iyul oyidan buyon boshqarib kelmoqda. Hozirda jamoa chempionat turnir jadvalida peshqadamlik qilmoqda.