Monako murabbiyi Pogbaning maydonga qaytish muddatini aytdi

«Monako» bosh murabbiyi Sebasten Pokonoli yarim himoyachi Pol Pogbaning safga qaytishi qachon kutilayotgani haqida fikr bildirdi. Bu haqda euro-football.ru xabar beradi.

Mutaxassisning aytishicha, futbolchining qaytishi tobora yaqinlashmoqda. Jamoa Pogba terma jamoalar o'yinlari uchun tanaffusdan sal avval ixtiyorida bo'lishiga umid qilmoqda hamda xalqaro tanaffus vaqtida u bilan alohida ishlashni rejalashtirmoqda. Pokonolining qo'shimcha qilishicha, Pogba to'liq jamoaga yo'nalgan.

Ma'lumot uchun, joriy mavsumda Pogba noyabr-dekabr oylarida «Monako» tarkibida uchta uchrashuvda maydonga tushgan, biroq shundan so'ng yana jarohati sababli safdan chiqqan.

Mart oyida Pogba 33 yoshga to'ladi. «Monako» esa hozirda Liga 1 turnir jadvalida sakkizinchi o'rinda bormoqda.