Gvardiola Chempionlar ligasidagi kurash nihoyatda murakkab dedi
"Manchester Siti" bosh murabbiyi Xosep Gvardiola Chempionlar ligasida raqobat darajasi haqida fikr bildirdi. Bu haqda euro-football.ru xabar beradi.
"Shaharliklar" 1/8 final bosqichida yana Madridning "Real" jamoasiga ro‘para keladi.
"Chempionlar ligasi juda qiyin. Istalgan jamoani oling — har birining o‘z kuchli tomoni bor. Bu turnirda uzoqqa borishni istasang, eng kuchlilarni yutishing kerak. Aks holda, sen bunga shunchaki loyiq bo‘lmaysan", — dedi ispaniyalik mutaxassis matbuot anjumanida.
O‘tgan mavsum Yevropaning eng nufuzli musobaqasida "Manchester Siti" aynan "Real"ga yutqazib, pley-offning saralash bosqichidayoq musobaqani tark etgandi. Joriy mavsumda esa jamoalar umumiy bosqichda to‘qnash kelgan va o‘shanda ingliz grandi 2:1 hisobida g‘alaba qozongan.
