Galyardo ko'z yosh bilan xayrlashdi Riverdan hech kim abadiy ketmaydi

Murabbiy Marselo Galyardo o'zining so'nggi uchrashuvini "Banfild"ga qarshi o'tkazdi. Unda "River Pleyt" 3:1 hisobida g'alaba qozonib, ketma-ket uchta mag'lubiyatdan iborat omadsiz seriyaga nuqta qo'ydi. Bu haqda euro-football.ru xabar beradi.

Avvalgi muvaffaqiyatsiz natijalar Galyardoning lavozimini saqlab qolishiga to'sqinlik qildi, biroq klub unga muxlislar oldida munosib tarzda xayrlashish imkonini berdi. U esa o'sha lahzalarni juda hissiyotli tarzda o'tkazdi.

O'yindan keyin ko'zlariga yosh olib, Galyardo muxlislarga minnatdorlik bildirdi: "Hammangizga shunchaki rahmat. Bu qadar mehrni so'z bilan ifodalash qiyin. Men butunlay ketmayapman. Riverdan hech kim abadiy ketmaydi. Bu sehrli joy: ketsang ham, baribir klub bilan qolasan", dedi u.

Eslatib o'tamiz, Marselo Galyardo 90-yillarda "River Pleyt" safida to'p surgan va Argentina terma jamoasida ham o'ynagan.