Barselona Kamp Nouga qaytgach ochko yo‘qotmadi

Kataloniyaning «Barselona» jamoasi La Liganing 26-turida «Vilyarreal»ni katta qiyinchiliksiz mag‘lub etib, navbatdagi g‘alabasini rasmiylashtirdi. Bu haqda euro-football.ru xabar beradi.

Bu natija «Barselona» uchun «Kamp Nou»ga o‘tgan yil noyabrida qaytganidan beri uy stadionidagi ketma-ket 10-g‘alaba bo‘ldi. Shunday qilib, kataloniyaliklar o‘z maydonida o‘tkazilgan 10 uchrashuvda ham birorta ochko yo‘qotmadi.

Seriya faqat chempionat o‘yinlari bilan cheklanmayapti — unda Yevropa Chempionlar ligasidagi bahslar ham bor. Endi «Barselona» ushbu natijani Ispaniya Kubogi yarim finalining «Atletiko»ga qarshi javob uchrashuvida yana davom ettirishga harakat qiladi. O‘yin chorshanba kuni bo‘lib o‘tadi.