Slutskining Shanxayi Osiyo Chempionlar ligasida mag'lub bo'ldi

"Shanxay Shenxua" Osiyo Chempionlar ligasida yetti turdan so'ng pley-off yo'llanmasi uchun imkoniyatlarini boy berdi. 8-turda "Buriram Yunayted"ga qarshi bahs Leonid Slutskiy jamoasi uchun turnir bilan xayrlashish oldidan so'nggi urinish edi, biroq bunga erishilmadi. Bu haqda euro-football.ru xabar beradi.

Tailand klubi 2:0 hisobida g'alaba qozondi. Uchrashuvning dastlabki daqiqalaridayoq mezbonlar ketma-ket ikki bor gol urdi va birinchi bo'lim boshidayoq katta ustunlikka ega bo'ldi. Oradan ko'p o'tmay "Shanxay Shenxua" bir futbolchisi maydondan chetlatilgach, o'yindagi intriga deyarli so'ndi.

Ma'lumot uchun, Leonid Slutskiyning "Shanxay Shenxua" bilan amaldagi shartnomasi 2027 yil oxirigacha mo'ljallangan.