“Aston Villa” dramatik o‘yinning oxirgi daqiqalarida g‘alaba qozondi
Angliya Premyer-ligasining 33-turi doirasida bo‘lib o‘tgan «Aston Villa» – “Sanderlend” uchrashuvi haqiqiy futbol spektakliga aylandi. Gollarga boy, keskin va dramatik tarzda kechgan bahsda mezbonlar oxirgi daqiqalarda kiritilgan to‘p evaziga g‘alabani o‘z qo‘liga oldi.
Uchrashuvni mehmonlar faol boshladi va Rigg 9-daqiqada hisobni ochdi. Biroq «Aston Villa» tezda javob qaytardi. Uotkins 2 va 36-daqiqalarda ikki bor aniq harakat qilib, jamoasini oldinga olib chiqdi. 46-daqiqada Rojers ustunlikni mustahkamladi.
Shunga qaramasdan, “Sanderlend” taslim bo‘lmadi. 86 va 87-daqiqalarda Hyum va Izidor ketma-ket gol urib, hisobni 3:3 ko‘rinishiga olib keldi va kambek amalga oshdi.
Biroq uchrashuvning eng katta dramasi qo‘shimcha daqiqalarda yuz berdi. 90+3-daqiqada Temmi Abraxam gol urib, «Aston Villa»ga g‘alaba keltirdi va stadionni larzaga soldi.
Shu bilan birga, mezbonlar APL jadvalida 58 ochko bilan 4-o‘rinda, mehmonlar esa 46 ochko bilan 11-pozitsiyada qoldi.
APL. 33-tur
«Aston Villa» – “Sanderlend” 4:3
Gollar: Uotkins (2, 36), Rojers (46), Abraxam (90+3) — Rigg (9), Hyum (86), Izidor (87)
«Aston Villa»: Martines, Kesh, Konsa, Mingz, Matsen (Din, 70), Onana, Tilemans, Makgin (Sancho, 80), Barkli (Buendia, 70), Rojers, Uotkins (Abraham, 80)
“Sanderlend”: Rufs, Mukiele, O‘Nayn, Alderete (Ballard, 63), Mandava (Hyum, 63), Jaka, Sadiki, Rigg (Talbi, 63), Diarra, Le Fe, Brobbi
Ogohlantirishlar: Sadiki (66), Mukiele (90+5), Onana (90+8), Ballard (90+8)
Bu uchrashuv yana bir bor Premyer-ligada hech narsa oxirigacha hal bo‘lmasligini, har bir daqiqa taqdirni o‘zgartirishi mumkinligini ko‘rsatdi.
