Guti Peresni Joze Mourinyoni "Real Madrid"ga qaytarmaslikka chaqirdi

"Real Madrid" klubining afsonaviy yarim himoyachisi Guti Ernandes klub prezidenti Florentino Peresga Joze Mourinyoni jamoaga qaytarmaslikni maslahat berdi. Hozirda klub rahbariyati Alvaro Arbeloaning o'rniga munosib nomzod qidirishni boshlagan. Bu haqda Goal.com xabar beradi.

Xabarlarga ko'ra, portugaliyalik mutaxassis Madridga qaytishga katta qiziqish bildirmoqda. Biroq Guti Mourinyoning so'nggi yillardagi natijalari va murabbiylik uslubi jamoaning hozirgi talablariga javob bermasligini ta'kidladi.

Guti Ernandesning fikricha, "The Special One" laqabi bilan tanilgan murabbiy o'z faoliyatining eng yuqori cho'qqisidan o'tib bo'lgan. Sobiq futbolchi klub rahbariyatini zamonaviyroq va istiqbolli murabbiylarga e'tibor qaratishga chaqirdi.

Hozirda Joze Mourinyo Portugaliyaning "Benfika" klubi bilan bog'liq mish-mishlar markazida bo'lib turibdi. Madridliklar esa Arbeloaning o'rnini bosuvchi mutaxassis borasida yakuniy qarorga kelishdan oldin barcha variantlarni ko'rib chiqmoqda.