Messining Instagram’dagi obunachilari soni 20 milliondan oshdi

«Barselona»ning argentinalik hujumchisi Lionel Messining Instagram ijtimoiy tarmog‘idagi sahifasi obunachilari soni 20 milliondan oshib ketdi. Bu haqda «Segodnya.ua»ga asoslanib «Daryo» nashri xabar berdi.

Messi ushbu natija sharafiga o‘zining eng yaxshi fotosuratlaridan iborat slaydshouni taqdim etgan. Qayd etilishicha, Messi hozirgacha o‘z sahifasida 132 ta post qoldirgan.

Futbolchilar orasida Messidan oldinda faqat «Real»ning portugaliyalik hujumchisi Krishtianu Ronaldu (23 million) va Messining braziliyalik jamoadoshi Neymar (27,5 million) bormoqda.