Professsional bokschilarimiz ertaga ringga chiqishadi

Ertaga, Rossiyaning Yekaterinburg shahridagi “Dom Pechati” arenasida boks bo‘yicha professional janglar o‘tazaladi. Mazkur reyting janglarida ikki nafar bokschimiz ham ishtirok etadi.

Joriy yilning aprel oyida professional ringga qadam qo‘ygan Mirzohidjon Abdullayev (3-0-0) faoliyatidagi to‘rtinchi jangini rossiyalik Leon Antonyanga (3-0-1) qarshi o‘tkazadi.

Shuningdek, yana bir jangda Qobuljon Hosilov (0-0-1) professional ringda dubyut jangini o‘tkazayotgan boshqa bir rossiyalik bokschi Vladislav Freze bilan kuch sinashadi.

Ushbu kechada jami 13 ta jang o‘tkazilishi rejalashtirilgan.