Rasman! “Buxoro” ikki legioneri bilan xayrlashdi

Yangi mavsum boshidan “Buxoro” jamoasi safiga kelib qo‘shilgan ikki nafar legioner serbiyalik himoyachi Marko Klisura va belorussiyalik himoyachi Sergey Rusetskiy ixtiyoriy ravishda rasman jamoani tark etdi. Bu haqda klub matbuot xizmati xabar bermoqda.

Legionerlarning fikrlariga qaraganda, Sergey Rusetskiy 23 iyunda oila qurishi munosabati bilan u O‘zbekistonga futbol sohasida qaytib kela olmasligi mumkinligini izohlab o‘tdi. Marko Klisura esa chet davlatlardagi jamoalardan takliflar tushayotganligini aytib o‘tdi.