Ulug‘bek Baqoyev: “Lokomotiv” bilan o‘yin juda asabiy o‘tdi

Pepsi Superliga 22-turidan o‘rin olgan “Buxoro” – “Lokomotiv” (0:1) uchrashuvidan so‘ng “Buxoro” ustozi Ulug‘bek Baqoyev bahs borasidagi fikrlarini bildirib o‘tdi.

“Biz uchun oson uchrashuvni o‘zi yo‘q. Lekin bugungi “Lokomotiv” bilan kechgan bahs juda asabiy va og‘ir o‘yin bo‘ldi. Yigitlarimiz maydonda borini berib o‘ynadi. Chunki yigitlarimizning ba’zilari jarohatiga qaramay maydonga tushdi va oxiragacha kurashdi. Buning uchun ularga rahmat aytaman. ”Lokomotiv“ni bugungi g‘alabasi bilan tabriklayman. Biz esa kelgusi o‘yinlarga tayyorgarlikni davom ettiramiz”, – deb Baqoyevning so‘zlarini keltirib o‘tdi “Buxoro” matbuot xizmati.