“Real”da 14 yil oʻynagan sobiq futbolchi Lopetegining oʻrnini egallashi mumkin

Madridning “Real” klubi isteʼfoga chiqarilishi yaqin turgan jamoa bosh murabbiyi Xulen Lopetegining oʻrniga yana bir nomzod topib qoʻydi.

AS nashri tarqatgan xabarga koʻra madridliklar ushbu lavozimga futbolchilik faoliyatining 14 yilini “Real”ga bagʻishlagan va ayni damda ishsiz yurgan 55 yoshli Michelni taklif qilishmoqchi.

Eslatib oʻtamiz, bundan avvalroq “Real” rahbariyati jamoa bosh murabbiyligiga shuningdek Antonio Konte hamda Santyago Solarining nomzodini ham koʻrib chiqmoqda.