«Barselona» - «Real» bahsining yangi sanasi ma’lum bo‘ldi

Ispaniya chempionati 10-turidan o‘rin olgan «Barselona» - «Real» o‘yini 18 dekabrda o‘tkaziladi.
La Liga shu sanani tavsiya qilgan klublarning taklifiga rozi bo‘ldi va yakuniy qarorini e’lon qildi, deb yozadi Sport ES.

Eslatib o‘tamiz, 26 oktyabrda o‘tkazilishi lozim bo‘lgan bu bahs Kataloniyadagi siyosiy norozilik namoyishlari tufayli boshqa muddatga qoldirilgan edi.