«Barselona»dagi vaziyatdan «Real» yutqazishi haqida

^{Foto: «Marca»}
«Real Madrid» klubi sobiq prezidenti Ramon Kalderon «Barselona»dagi vaziyatga o‘z munosabatini bildirdi.

^{Ramon Kalderon. Foto: «FootBoom»}
«Primerada «Barselona»ga o‘xshagan jamoaning borligi juda muhim. U «Real»ning jiddiy raqibi, bu qarama-qarshilik har ikki jamoa uchun foydali. Xuddi Messi va Ronaldu o‘rtasidagi kurash kabi. Biri «Barselona», ikkinchisi «Real»da o‘ynab eng yaxshi futbolchilarga aylandi. Kimo‘zarga sovrinlar uchun kurashga kirishib ketishgani uchun. «Real» va «Barselona» bilan ham shunday bo‘lishi kerak.

Jamoalar doim raqobatlashadi. Maqsad-mohiyat ham shunda. Hozir «Barselona» og‘ir damlarni boshdan kechiryapti. Mantiqqa solinsa, bu raqib uchun yutuq. Ammo hozirgi vaziyatda emas. «Barselona» — katta jamoa va u «Real»ning dushmani emas. Kataloniyaliklar rahbariyati bilan munosabatlarimiz a’lo darajada. «Barselona»dagi vaziyat — «Real» uchun yomon yangilik», — «Goal.com» Roman Kalderondan ana shunday iqtibos keltirmoqda.