Futbol bo‘yicha klublar o‘rtasidagi Jahon chempionatiga qur’a tashlandi

^{Foto: Getty Images}
Shveysariyaning Syurix shahrida klublar o‘rtasidagi Jahon chempionatiga qur’a tashlandi. Yevropa Chempionlar Ligasi g‘olibi — «Bavariya» va Libertadores Kubogi sohibi («Santos» yoki «Palmeyras») o‘z yurishini yarim finaldan boshlaydi.

Chorak final uchrashuvlari bilan tanishining:
1.«Tigres» (Meksika) — «Ulsan Hyunday» (Janubiy Koreya)
2.«Ad-Duhayl» (Qatar, mezbon) — «Al-Ahli» (Misr)
Libertadores Kubogi sohibi «Tigres»—«Ulsan» uchrashuvi g‘olibiga duch kelsa, «Bavariya» esa «Ad-Duhayl» yoki «Al-Ahli» bilan to‘qnash keladi.

Chorak finallar 4 fevral kuni, yarim final bahslari esa 7 va 8 fevral kunlari bo‘lib o‘tadi. Final 11 fevral kuniga rejalashtirilgan.