Bahodir Jalolov "Stranja" turnirida ikkinchi jangini o‘tkazdi

Og‘ir vazn toifasidagi bokschimiz Bahodir Jalolov Bolgariyadagi “Stranja” turniridagi ishtirokini boshlagan edi.
U kecha ilk jangini Fransiya vakili Murad Aliyevga qarshi o‘tkazib, to‘liq ustunlik bilan g‘alabaga erishgan edi.

Bugun, u ikkinchi jangida ringga ko‘tarildi. Bu safar yurtdoshimizga turkiyalik Berat Achar raqiblik qildi. Mazkur to‘qnashuvda ham hamyurtimiz hakamlarning yakdil qaroriga muvofiq 5:0 hisobida g‘alaba qozondi va navbatdagi bosqichga yo‘l oldi.