O‘zbekiston MTJ Saudiyadagi saralashda hali o‘yin o‘tkazmadi. Ammo xavotirlar oshmoqda

Saudiya Arabistonida jahon chempionati \"D\" guruhi saralash bosqich o‘yinlari o‘tkazilmoqda. Mezbonlar o‘z uyidagi oxirgi 2 bellashuvda 6 ochko ishlab, imkoniyatini ancha yaxshiladi va turnir jadvalida bizdan o‘zib ketdi.

Endi boshqa guruhlardagi 2-o‘rinni egallab turgan jamoalarga e’tibor qaratamiz.
\"A\" guruhi Xitoy 5 o‘yin 10 ochko
\"V\" guruhi Quvayt 6 o‘yin 10 ochko
\"S\" guruhi Iroq 5 o‘yin 11 ochko
\"D\" guruhi O‘ZBЕKISTON 5 o‘yin 9 ochko
\"Ye\" guruhi Ummon 5 o‘yin 12 ochko
\"F\" guruhi Tojikiston 6 o‘yin 10 ochko
\"G\" guruhi BAA 5 o‘yin 9 ochko
\"H\" guruhi Livan 4 o‘yin 10 ochko

Ko‘rib turganingizdek, Vadim Abramov shogirdlari hali o‘yin o‘tkazmasidan imkoniyatlari pasayib bormoqda. Sababi, boshqa guruhlardagi jamoalar kerakli ochkolarni jamg‘armoqda (jamg‘argan). 2-o‘rinda borayotganlar orasida hamyurtlarimiz faqatgina Kuvaytdan yaxshiroq holatda, BAA bilan esa bir xil vaziyatdamiz. Qolganlar borgan sari ilgarilab ketmoqda.
Saralashning keyingi bosqichiga ikkinchi o‘rinni egallagan eng yaxshi 4 jamoa chiqishini inobatga olsak, biz uchun qolgan 3 uchrashuvning har biri finalga teng. Agar guruhdagi qolgan 3 uchrashuvda zafar quchsak, 1-o‘rin bilan 3-saralash bosqichiga o‘tamiz. Ikkinchi o‘rin vakillarimiz uchun xavfli bo‘lishi mumkin. Boshqa jamoalar jim turmayapti.
Bosh jamoamiz Saudiyadagi ilk bellashuvni 7 iyun kuni boshlaydi. Shu kuni hamyurtlarimiz Singapur bilan o‘ynaydi.

\"JCH-2022\" saralash bosqichi. D guruhi
7 iyun. O‘zbekiston – Singapur. 23:00
11 iyun. Yaman – O‘zbekiston. 23:00
15 iyun. Saudiya Arabistoni – O‘zbekiston. 23:00.