Tokio—2020. Davlat Bobonov italiyalik dzyudochini mag‘lub etib, 1/8 finalga chiqdi

^{Foto: Getty Images}
Tokio—2020 Olimpiadasining 5-kungi bahslari 28 iyul kungi bo‘lib o‘tmoqda. Kunning dastlabki qismida ikki nafar o‘zbekistonlik dzyudochi o‘z ishtirokini boshladi.

-70 kg vazn toifasida harakat qilayotgan Gulnoza Matniyozova 1/16 finalda chadlik Demos Memnuloumni taslim etib, keyingi bosqichga chiqdi. 1/8 finalda Matniyozova niderlandiyalik Sanne Daykka qarshi jang qildi va raqibiga imkoniyatni boy berib qo‘ydi.

^{Foto: Getty Images}
-90 kg vaznda harakat qiladigan Davlat Bobonov ham 1/16 finalda g‘alabaga erishdi. Dzyudo terma jamoasi yetakchisi italiyalik Nikolas Mungayga qarshi bahsda vazari bahosi bilan zafar quchdi. Bobonov 1/8 finalda ukrainalik Nyabali Kejauga qarshi jang qiladi.