Abraxam Rimda tibbiy ko‘rikdan muvaffaqiyatli o‘tdi

Londonning \"Chelsi\" klubi hujumchisi Temmi Abraxam Rimga uchib keldi va tibbiy ko‘rikdan muvaffaqiyatli o‘tdi. Yaqin vaqt ichida u \"Roma\" bilan shartnoma imzolaydi.

Avval xabar berilganidek, \"Roma\" futbolchi uchun 40 million yevro to‘laydi, \"Chelsi\" esa 80 million yevro evaziga futbolchini qayta sotib olish variantini shartnomaga kiritgan.

Abraxam \"bo‘rilar\" bilan 2026 yilgacha mo‘ljallangan shartnoma imzolaydi, uning maoshi yiliga 5 million yevroni tashkil etadi.

Eslatib o‘tamiz, hujumchi \"Chelsi\" tarbiyalanuvchisi hisoblanadi. 2020/21 yilgi mavsumda u 32 ta o‘yinda maydonga tushib, 12 ta gol urdi hamda 6 ta golli uzatmani amalga oshirdi.