Shomurodovga atayin sariq olgin degandim, u esa...

Ayni paytda Rossiya terma jamoasini boshqarayotgan Valeriy Karpin “Rostov”da ishlab yurgan kezlari futbolchilarga muhim bo‘lmagan o‘yinni o‘tkazib yuborish uchun sariq kartochka olishini buyurganini tan oldi.

- Shomurodov va Kariokaga shunaqa topshiriq berganman. Shomurodov sariq olish uchun 10 daqiqa nima qilishini bilmay yugurib yurdi. Eng oddiy usul, hakam hushtagini chalganda to‘pni oldiga turib olib, uni o‘yinga kiritishga halaqit qilish. Sudya avval og‘zaki to‘pni qarshisidan qochish kerakligini ogohlantiradi. Sen ketmaysan va u sariq kartochka ko‘rsatadi. Shuning o‘zi yetarli.

Shomurodov esa raqibni ortidan quvib, bir zarba bilan uni o‘ldirib qo‘yay dedi. Hakam Eldorga to‘g‘ridan to‘g‘ri qizil ko‘rsatishiga bir bahya qolgandi, - deb eslaydi Valeriy Karpin.