"Paxtakor" va "Nasaf" o‘rtasidagi Superkubok uchun bahs qachon bo‘lib o‘tishi ma’lum

Yangi mavsum oldidan Superliga chempioni \"Paxtakor\" hamda O‘zbekiston kubogi sohibi \"Nasaf\" jamoalari o‘rtasidagi O‘zbekiston Superkubogi uchun bahs bo‘lib o‘tadi. O‘zPFL matbuot xizmati tarqatgan xabarga ko‘ra, Superkubok 26 fevral sanasiga rejalashtirilgan.

Eslatib o‘tamiz, 2021 yilgi mavsum avvalida ham aynan ushbu jamoalar Superkubok uchun o‘zaro to‘qnash kelgan va unda \"Paxtakor\" g‘alaba qozongan edi.