Mourino Abraxamning jarohati va kechagi o‘yinda shiddatli o‘ynagan shogirdi haqida gapirdi

\"Roma\" bosh murabbiyi Joze Mourino A Seriya 19-turidan o‘rin olgan \"Sampdoriya\"ga qarshi o‘yin haqida fikr bildirdi:
\"Birinchi bo‘limda bizda muammolar bo‘ldi. Jamoa diqqatni bir joyga jamlay olmay, to‘pni ko‘p yo‘qotdi. Faqatgina Zanolo shiddatli o‘ynadi.

Ikkinchi taym biz uchun biroz yaxshiroq o‘tdi. Mxitaryanning pozitsiyasini o‘zgartirdik va gol urdik. Shunday bo‘lsa-da bu kabi o‘yin namoyish etadigan jamoalarga qarshi harakatlanish qiyin.

Abraxam jarohat olgan paytda qon ketishidan boshqa hech narsani ko‘rmadim. U yura olmadi. Jarohat jiddiy emas, lekin u o‘zini yaxshi his qilmayapti\", - dedi Mourino.