Toshkentda Samsung Galaxy Note Edge smartfoni 3,2 mln so‘mdan sotuvga chiqdi

2014 yil sentyabrida rasman taqdim etilgan Samsung Galaxy Note Edge smartfoni — Galaxy Note 4’ning egilgan displeyli maxsus versiyasi O‘zbekistonda sotila boshladi, deya xabar bermoqda «Mobinfo.uz».

Galaxy Note Edge’ning o‘ziga xos jihati uning bir tomoni qayrilgan ekranga egaligidir. U 5,6 dyuymli va 2560×1600 pikselli QHD-displey, to‘rt yadroli Snapdragon 805 prosessori, 3 Gb tezkor va 32 Gb ichki xotira (+microSD), 16 megapikselli asosiy va 3,7 megapikselli old kamera bilan jihozlangan.

Smartfonning o‘lchamlari 151,3×82,4×8,3 mm, og‘irligi 174 grammga teng.

Poytaxtdagi «Fleshka» savdo majmuasida Galaxy Note Edge 3,2 million so‘mga sotilmoqda.

Manba: www.daryo.uz