Windows 10 orqali yo‘qolgan qurilmalarni topish imkoniyati paydo bo‘ladi

Internetda tarkibida Find My Device (“Mening qurilmamni top”) singari yangi vazifalari mavjud bo‘lgan Windows 10 ning 10558 raqamli jamlanmasi haqidagi axborotlar paydo bo‘ldi. Bu haqda “Microsoft News”ga asoslanib “Kun.uz” yozmoqda.

Find My Device funksiyasi yo‘qolgan qurilmalarni topish imkonini beradi. Xizmat qurilma so‘nggi bor qayerda tarmoqqa ulanganini ko‘rsatib beradi. Mazkur vazifa ishlashi uchun faqatgina Windows 10 Pro uchun mos keluvchi Bluetooth`ning muayyan drayverlari talab etiladi.

Yangi funksiyalar bilan bir qatorda, jamlanmada operasion sistema samaradorligi oshirilib, Skype faoliyati takomillashtirilgan.