Ерда «қизил» даражадаги магнит бўрони бошланди

30, 31 май ва 1 июн кунлари Ўзбекистонда «қизил» даражадаги магнит бўрони кузатилади, деб Nova24.uz Meteoagent маълумотларига асосланиб хабар берди.

Маълумотларга кўра, 30 май куни геомагнит бузилишларнинг максимал кучи 6 баллга етади. Геоуражлар авжига чиқиши соат 08:00 ва 14:00 атрофида кутилмоқда. Кечга бориб Қуёш фаоллиги бироз пасайиши мумкин.

Мутасаддилар таъкидлашича, магнит бўронларининг таъсири айниқса юрак-қон томир касалликлари, асаб тизими, қандли диабет ва бронхиал астма билан оғриганлар ҳамда об-ҳаво ўзгаришларига ҳассос инсонларда кучлироқ сезилади. Метеопатия симптомлари (об-ҳаво билан боғлиқ оғриқлар) кузатилиши мумкин.