Бухорода 3,2 магнитудали зилзила қайд этилди

Ўзбекистон Фавқулодда вазиятлар вазирлиги Республика сейсмопрогноз мониторинг маркази матбуот хизмати маълум қилишича, 8-ноябр куни соат тахминан 09:14 да мамлакат ҳудудида зилзила кузатилган. Зилзила эпицентри Бухоро вилоятининг Газли шаҳрида жойлашган.

Эпицентрдаги зилзиланинг магнитудаси М=3,2 ни ташкил этган, ер ости тебранишлари кучи эса 3 балл сифатида баҳоланди. Зилзила ўчоғи ер остида 10 километр чуқурликда жойлашган.

Газли шаҳри аҳолиси 2 балл кучидаги ер тебранишларини ҳис қилган бўлиши мумкин. Бошқа ҳудудлар, туманлар ва шаҳарларда ер ости силкинишлари қайд этилмаган.