Ўзбекистоннинг жаҳон IQ рейтингидаги ўрни маълум қилинди

Worldwide IQ платформаси 2025 йил учун дунё мамлакатларининг ўртача интеллект кўрсаткичлари бўйича янгиланган рейтингни эълон қилди. Рўйхатда Ўзбекистон 111 давлат орасида 97-ўриндан жой олди. Мамлакатнинг ўртача IQ кўрсаткичи — 92,2 балл, бу глобал ўртача кўрсаткич (100 балл)дан паст.

Рейтингнинг биринчи учлигида Япония (112,20), Хитой (111,74) ва Тайван (111,19) жойлашди. Европада энг юқори натижа Венгрияга тегишли бўлиб, у 111,06 балл билан тўртинчи ўринни эгаллади.

МДҲ бўйича Россия, Арманистон, Беларус ва Озарбайжон нисбатан юқори кўрсаткичларга эга бўлди. Марказий Осиё кесимида эса Қозоғистон 88-ўрин (95,49 балл), Тожикистон 95-ўрин (94,11 балл), Қирғизистон эса 105-ўрин (92,29 балл) билан қайд этилди.

Шунингдек, Украина 94,99 балл билан ўтган йилги 75-ўриндан 90-ўринга пасайган. Ундан кейинги ўринларда Уммон, Кения ва Эфиопия қайд этилган.