18:18 / 17.03.2015
7 365

YouTube’da Formula 1 poygasining rasmiy kanali ishga tushdi

YouTube’da Formula 1 poygasining rasmiy kanali ishga tushdi

YouTube videoportalida “Formula-1” sinfidagi avtopoygalar jahon chempionatining rasmiy kanali ishga tushdi. Bu kanalning ishga tushirilishi haqida poygalarni tashkil etuvchi tashkilot – FOM (Formula One Management) bu haftada boshlangan avtopoyganing 65-yubiley mavsumi oldidan ma’lum qildi. Ayni paytda avtopoygaga tegishli sahifada o‘tgan yilgi poygalar lavhalari, qishki sinovlarda tasvirga olingan videoyozuvlar va boshqa qiziqarli roliklar joylashtirilgan.

Biroq YouTube da joriy mavsumdagi “qirollik poygalari”ning kvalifikasion sessiyalari va gran-prilari namoyish qilinmaydi. Bu haqda o‘tgan mavsum oxirida “Formula-1” bosh promouteri Berni Ekklstoun ogohlantirib o‘tgan edi. Chunki bu poygalarni namoyish qilish huquqi uchun katta haq to‘laydigan telekanallar bilan bitimlar mavjudligi sababli YouTube da poygalardan translyasiyalarni amalga oshirishning iloji yo‘q.

Ekklstounning fikricha, YouTube da, birinchi navbatda, televidenieda ko‘rsatilmaydigan, “sahna ortida” nimalar sodir bo‘lishi haqidagi videolavhalar joylashtirilishi kerak. Ekklstoun poygachilar va jamoalar vakillari bilan intervyular tasvirlangan videolarni bunday videoyozuvlarga misol sifatida keltirib o‘tdi.

Manba: www.kun.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Avto » YouTube’da Formula 1 poygasining rasmiy kanali ishga tushdi