Chevrolet kompaniyasi Malibu, Spark va Cruze modellarini yangiladi. Avtomobillarning kuzovi old qismi o‘zgargan, bezaklarida ko‘proq xrom qo‘llangan. Shuningdek, Spark avtomatik tormozlash tizimi bilan jihozlangan, Malibu esa ilk bor “sport” versiyasida taklif qilingan.
Spark xetchbegida yangi bamper, radiator panjarasi va linzalangan old optika paydo bo‘lgan. Endi modelning standart versiyasiga 10 ta xavfsizlik yostiqchasi, orqa ko‘rinish kamerasi va konditsioner kiradi. Spark 99 ot kuchiga ega 1,4 litrli dvigatel yordamida harakatlantiriladi va mexanik uzatmalar qutisi yoki variator bilan birga ishlaydi.
Foto: motor.ru
Sedan va xetchbekdan iborat Chevrolet Cruze oilasi yangi dizayn bilan birga yorug‘lik-diodli orqa faralar hamda modernizatsiya qilingan g‘ildirak disklari olgan.
Foto: motor.ru
Yangilangan Cruze modeli 7 dyuymli ekranga ega multimedia tizimi, WiFi, LTE, Bluetooth, dvigatelni masofadan ishga tushirish va iqlim-nazorati bilan jihozlangan. Mashinaning elektron yordamchilari quyidagilardan iborat: orqa parktronik, polosada ushlab turish tizimi, ko‘ndalang yo‘nalishda kelayotgan avtomobillardan ogohlantirish, “ko‘rinmas” hududlar monitoringi.
Foto: motor.ru
RS (sport) versiyadagi Malibu sedani qora rangli radiator panjarasi, orqa spoyler, 18 dyuymli g‘ildirak disklari va ikki quvurli gazlar chiqarish tizimini olgan.
162 ot kuchiga ega 1,5 litrli turbomotorda ishlovchi Malibu endilikda 6 pog‘onali “avtomat” uzatmalar qutisi o‘rniga variator bilan jihozlanadi. Shuningdek, “Malibu” qatorida 253 ot kuchiga ega 2 litrli motor va 185 ot kuchiga ega gibrid kuch qurilmasi mavjud.
Foto: motor.ru
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyaning Knauf kompaniyasi Rossiyadan butunlay chiqib ketishini tasdiqladi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Eron prezidenti jiddiy bayonot berdi: «Isroildan hech narsa qolmaydi»
Rossiya dunyodagi birinchi vodorod yoqilg‘ili avtomobilni taqdim etdi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi